Tá an Chartlann lonnaithe ar an gcéad urlár de Bhanc Ceannais na hÉireann, Sráid Wapping Nua, Cé an Phoirt Thuaidh, Baile Átha Cliath 1.

Is féidir leat do thuras a phleanáil ar https://www.theaa.ie/routes/. Is é Duga Spencer an stad Luas is gaire agus tá sé cúig nóiméad siúil ón mBanc Ceannais.

Tá an Chartlann ar oscailt Máirt-Aoine, 10am-4pm, ach coinne a dhéanamh.

Nuair a bheidh an mhír/na míreanna ar mian leat breathnú uirthi/orthu roghnaithe agat i gcatalóg na Cartlainne, taispeánfar táb “Coinne a dhéanamh” ar an taobh-bharra, áit a n-iarrfar ort foirm a chomhlánú leis na sonraí seo a leanas:

• Ainm
• Ríomhphost
• Uimhir Theagmhála
• Dáta Roghnaithe
• Am Roghnaithe    

 

Nuair a bheidh an t-eolas seo faighte ag foireann na Cartlainne, gheobhaidh tú deimhniúchan maidir le do choinne nó tabharfar coinne malartach duit.
Tabhair faoi deara le do thoil nach mór duit an coinne a dhéanamh 2-3 lá roimh an dáta roghnaithe chun go mbeidh dóthain ama againn an t-ábhar a ullmhú.
Nuair a thiocfaidh tú chuig Banc Ceannais na hÉireann, ní mór duit dul chuig an deasc fáiltithe agus síniú isteach ar an gCóras Bainistíochta Cuairteoirí. Ansin, tabharfar tú chuig láthair feithimh taobh thiar den deasc fáiltithe, áit ar féidir leat do chuid málaí/cótaí etc. a fhágáil i seomra cótaí agus ansin tiocfaidh duine d’fhoireann na Cartlainne chun tú a thabhairt chuig an Seomra Léitheoireachta.

Is féidir leat suas go 25 comhad a iarraidh in aghaidh na coinne. Ní chuirfear ach cúig chomhad ar fáil ag aon am amháin. Nuair a bheidh tú críochnaithe leo sin, tabharfaimid cúig chomhad eile duit. Mura mbíonn dóthain ama agat breathnú ar na comhaid go léir a d’iarr tú, is féidir linn na comhaid a choinneáil faoi cheann trí lá sa chaoi go mbeidh tú in ann breathnú orthu arís, ar choinníoll go mbeidh coinne ar fáil.

Ba cheart duit dhá fhoirm chéannachta a thabhairt leat - céannacht fhótagrafach (e.g. ceadúnas tiomána) agus ceann eile mar chruthúnas ar do sheoladh (e.g. Ráiteas bainc nó bille fóntais). Iarrfar ort Foirm Chláraithe Léitheora a chomhlánú freisin. Is gá gur doiciméid bunaidh iad na foirmeacha céannachta; ní ghlacfar le fótachóipeanna.

Ní féidir. Níl ach tuairiscí catalóige le fáil ar líne. Ó tharla nach ndearnadh na hábhair/na comhaid a dhigitiú go fóill, ní féidir breathnú orthu ar líne.

Mura sonraítear a mhalairt, is é Banc Ceannais na hÉireann úinéir aonair chóipcheart na n-ábhar go léir. Ní dhéanfaidh duine aon abhár atá i gCartlann an Bhainc Ceannais a fhoilsiú nó a atáirgeadh ina iomláine nó i bpáirt, gan toiliú i scríbhinn ón mBanc Ceannais.

Nuair a dhéanfar ábhar atá faoi chóipcheart an Bhainc Ceannais a lua, ní mór aitheantas leordhóthanach a thabhairt ina sainaithneofar an taisclann, an teideal, an t-údar, agus tagairtí beachta doiciméid. Beidh taighdeoirí freagrach as cóipcheart a chomhlíonadh.

Níl áiseanna páirceála ag Banc Ceannais na hÉireann. Ar a shon sin, tá carrchlóis ag Duga Spencer, Cé an Phoirt Thuaidh, Sráidbhaile an Iosta agus ag 1 Sráid na Coitiantachta san IFSC. Tá gach ceann díobh deich nóiméad siúil ón mBanc Ceannais.

Tá an foirgneamh inrochtana ag cathaoireacha rothaí.

Níl aon táillí i gceist le macasamhlacha toisc nach gcuirimid seirbhís chóipeála ar fáil. Is féidir leat grianghraif a ghlacadh saor in aisce le do cheamara/d’fhón póca/do ghléas.

Ní mór cótaí agus málaí a fhágáil i seomra na gcótaí. Is iad seo a leanas na rudaí a cheadaítear a thabhairt isteach sa Seomra Léitheoireachta: ceamara, iPad, ríomhaire glúine, peann luaidhe agus páipéar.

Níl ár gcuid bailiúchán go léir ar fáil ar líne faoi láthair. Cuirtear leis an gcatalóg ar bhonn míosúil agus tá sé ag dul i méid de réir a chéile. Mura bhfuil an t-ábhar atá uait le fáil ar líne, is féidir leat ríomhphost a chur chugainn ag recordsandarchives@centralbank.ie .Cuardóimid an t-ábhar agus i gcás ina mbeidh an t-ábhar níos sine ná 30 bliain, tabharfar rochtain air.

Cuirfear taifid ar fáil don phobal nuair a bheidh na taifid sin níos sine ná 30 bliain. Seans nach mbeidh ábhar áirithe ar fáil, fiú más sine ná 30 bliain é, toisc go gcuimsítear faisnéis phearsanta nó rúnda ann.

Tá Cartlann Bhanc Ceannais na hÉireann déanta suas go príomha de thaifid a cruthaíodh i gcúrsa a ghnó. Áirítear sa mhéid sin:

• Beartais agus nósanna imeachta lena rialaítear gníomhaíochtaí agus idirbhearta aonaid eagraíochtúla an Bhainc Ceannais
• Anailís, tuarascálacha agus athbhreithnithe ar fheidhmíocht i gcomparáid le straitéisí agus cuspóirí eagraíochtúla
• Comhfhreagras leis an bpobal, le gníomhaireachtaí Stáit, le hinstitiúidí idirnáisiúnta, le soláthraithe agus le heintitis rialáilte
• Staidreamh maidir le táirgeadh agus le heisiúintí nótaí bainc agus bonn euro
• Sonraí agus anailís straidrimh maidir leis an gcóras baincéireachta agus airgeadais
• Tuarascálacha maidir le faireachán agus cigireacht ar eintitis airgeadais mhaoirsithe
• Taifid a bhaineann le hearcaíocht, bainistíocht, luach saothair agus teidlíochtaí na foirne
• Sainchomhairle, faisnéisiú, cláir oibre, miontuairiscí, páipéir oibre, agus comhairliúcháin lena n-úsáid go hinmheánach.

 

De bhreis air sin, tá bailiúcháin inti de ghrianghraif, de dhéantáin, de léarscálacha agus de phleananna, mar aon le hábhar a théann siar go dtí 1786 agus a bhaineann le Coimisiún an Airgid Reatha, leis an Commercial Buildings Company, agus le foirgnimh éagsúla a bhí ar úinéireacht ag an mBanc.

Tá. Taifid atá faoi bhun 30 bliain, ní bheidh siad inrochtana ag an bpobal. Comhaid eile atá os cionn 30 bliain ach a mbeidh faisnéis phearsanta iontu, déanfar iad a eisiamh freisin.

Faraor, ní féidir linn taighde a dhéanamh thar do cheann. Mura mbeidh an t-ábhar atá uait le fáil sa chatalóg ar líne, is féidir leis an gCartlann an t-ábhar sin a chuardach, ach beidh ortsa coinne a dhéanamh chun an taighde féin a dhéanamh.

Mar gheall ar leochaileacht agus ar shainiúlacht roinnt de na taifid atá ar seilbh, agus toisc gur gá iad a láimhseáil go han-chúramach, níl an Chartlann oiriúnach do pháistí. Aon duine atá faoi bhun 18 mbliana déag d’aois agus ar mian leo cuairt a thabhairt ar an gCartlann, iarrtar orthu teagmháil a dhéanamh le recordsandarchives@centralbank.ie sula ndéanfaidh siad coinne.