An Cód um Chosaint Tomhaltóirí - Ceannach ar Cairde

Tá go leor miondíoltóirí ann a thairgeann creidmheas gearrthéarma do thomhaltóirí ina gcuid siopaí ar líne nó ar láthair. Tugann sé seo solúbthacht duit - sa chaoi gur féidir leat rogha a dhéanamh an méid iomlán a íoc láithreach, nó é a bhriseadh síos ina thráthchodanna soláimhsithe thar thréimhse ama. 

Ach, is ionann creidmheas gearrthéarma a úsáid agus iasacht a thógáil amach. Dá bhrí sin, ní mór do sholáthraithe creidmheasa gearrthéarma cloí leis an gCód um Chosaint Tomhaltóirí nuair a bheidh an cineál creidmheasa seo á thabhairt duit.

Nuair a cheannaítear ar cairde, ní íoctar as earraí nó seirbhísí - sa siopa nó ar líne - tráth a gceannaithe ach íoctar astu ina n-iomláine níos déanaí nó ina dtráthchodanna thar thréimhse ghearr ama. 

Cé go bhféadfaidh gur bealach éasca é sin le híoc as earraí nó seirbhísí, is ionann ceannach ar cairde agus iasacht a fháil. 

Má thairgeann soláthraí socrú cairde den sórt seo duit, beifear ag súil go dtairgfidh sé gné sosa duit freisin chun a sheiceáil go dtuigeann tú go bhfuil comhaontú creidmheasa á dhéanamh agat. 

An Cód um Chosaint Tomhaltóirí: Ar mhaithe le soiléireacht, cinnteoireacht eolasach, agus ar mhaithe leatsa.